Batir Sing Gawe Seneng
Kriiiiiiiing....
kriiiiiiing esuk-esuk jam beker wis mbrisiki kuping ketambahan mamane sing
ngorong-ngorong bae.“ Chaaaaa.... gagian tangi! Bocah koh ndableg nemen.
Gagian! Aja nguwel bae ning kampil mambu!” nyong wis kaya buronan narkoba sing
arep dieksekusi mati. Digedor-gedor lawange bae ndeng mamane. “ Iya ma, sabar sih ngapa! Esih jam
pira jane?” Mbari ndeleng jam. “
Astaghfirulloh ma. Jam nem kurang seprapat koh tembe digugah.” Nyong ndeleng
jam ning hp mbari panik. “ Tembe digugah jere sapa? Wong mamane nggugah kawit
mau esuk koh! Ya gagian papung! Mbokan kawanen!.” Iya leh ma” jawab nyong mbari
lunga maring kamar mandi.
Nyong papung urung
ana 5 menit acan wis digedor-gedor bae lawang kamar mandine. Tes papung nyong
gagian klambenan. Bareng nyong ndelelng jam tengan wis jam enem lewih patang
puluh. Saking gagianen nyong kalasan langka wektu nggo maem, padahal maemane
wis disiapna ndeng mamane ning meja.Jam pitu kurang seprapat nyong nembe
mangkat sekolah.Kemungkinan besar nyong bisa telat.
Butul sekolah, nyong bener-bener telat. Ya bener banget, nyong
telat mangkat sekolah. Nyong telat 3 menit. Padahal kie tembe dina ke-2 nyong
kelas 8 ng SMP 1 AJIBARANG. “ Astaghfirulloh nyong telat.” Mlayu-mlayu ora nggenah. Isin nemen ngliwati
kelas 7. Untunge ning ngarep smp langka guru. Angger ana tah mampus yakin.
Batire nyong sing arane Wati wis mimpin tadarus ning ngarep kantor guru.
Mbareng wis butul kelas, nyong disuraki ndeng batir-batire. Apa maning dina kie
nyong piket. Dadine nyong ora piket. Wis
disuraki, bocah-bocah juga pada protes nyong ora piket maning. “ Ssssssttt meneng bocah, aja pada reang.
Tadarus koh.” Bentak Bagus batir kawit kelas 7. Bocaeh melu OSIS dadine bocaeh
tegas.
Teng...... teng...... teng..... bel istirahat moni. Nyong langka
batir jajan dina kie. Dadine aku nyamper Tiyas, Manda karo Wati batir pereke
aku. Terus maring kantin bareng-bareng. Ning kantin aku ketabrak Bagus nganti
aku tiba. Ndeng Bagus karo batir-batire malah disuraki karo diguyoni. Nyong isin
nemen maring bocahan. “ Heh bocah, dienggo ya
mripate aja ndlenger bae. Pada tega nemen bukane ditulungi malah pada disuraki.” Wati kesuh nemen maring Bagus
cs. “ Ya Gus, ko mbok OSIS koh malah kaya kue, maraih ora bener.” Tiyas
montong-montong ngomeih Bagus. “ YaAlloh gari menyat dewek koh. Apa ora teyeng?
Hahahaha.” Si Tyo karo Ahmad ngguyu-ngguyu puas nemen ngledeki aku karo
batir-batirku. “ Wislah Yas, Wat, Nda, ayuh lunga bae. Nyong esih teyeng menyat
dewek ikih.” Nyong menyat mbari kesuh nemen. Si Bagus malah meneng bae, sok
ganteng nemen ya anu emang ganteng sih.
Teng...... teng..... teng..... bel mlebu. Ning kelas ana tugas tok,
tapi kelompokan lanang wadon. Aku keduman karo Bagus gara-gara acakan
kelompoke. “ Cha, aku keduman karo ko kelompoke.” Bagus tumben mandan ora cuek.
“ Ya Gus.” Aku grogi ora teyeng ngomong ning ngarepe Bagus. Bagus jebulane
pinter nemen. Teyeng nemen pelajaran Basa Jawa.
Bel bali wis moni. Kabeh bocah gembrudugan pada metu kelas. Kecuali
aku karo Bagus. Aku karo Bagus arep ngerjakna tugas Basa Jawa gara-gara urung
rampung sing kon dekumpulna minggu ngarep. Bagus kue bocaeh tepat waktu nemen.
Dadine kabehan tugas ngudu cepet rampung, beda nemen karo aku, sing jerene
mamane ndableg nemen, padahal ya ora ndableg. Tugas wis rampung, gari aku balik
maring ngumah bareng batire aku sing arane Tiyas, nyong karo Tiyas baline
bareng bae anu umaeh sejurusan. “ Gus, aku balik disit ya. Tugase digawa ko ya,
nek digawa aku mbok ilang sih. Hehe.” Aku balik nggandeng Tiyas. “ Iya Cha” singkat,
padat, jelas lah pokoke Bagus tah.
Mbareng wis wengi, aku sms Bagus. Angger aku ngesuk arep pada nonton bareng karo batir-batire. “ Gus,
ko ngesuk melu nonton apa ora?” smsse aku. “ Nonton apa Cha? Karo sapa bae
sih?” Balese Bagus. “ Bioskop Gus. Karo batir-batire aku.” Balese aku. “ Oooh.
Yaembuh kie Cha.” “ Ohh ya wis Gus.” Aku mandan kecewa maring Bagus, Bagus
ngesuk bisa mangkat apa ora iloken. “ Yawislah turu bae. Ngantuk.”
Kukuruyuuuuuuukkk....
Minggu esuk, niate aku dina kie pada nonton karo batir-batire. Aku
karo Tiyas mangkat bareng. Mbareng wis butul smp, langka bocah sijia. Aku
mandan kecewa, mbokan pada ora mangkat. Sewise limolas menit, si Dodo karo Wati
mangkat. Siji-siji bocah mulai mangkat. Ujang karo Manda mangkat
juga, anu tes les jerenetah. Aku karo batir-batire ngenteni Bagus nganti sue
nemen. Mbareng aku karo batir-batire arep mangkat, jebulane Bagus melu. Aku
seneng banget mbuh kepriwe.
Sedurunge aku mlebu Bioskop sing ning Purwokerto, aku karo
batir-batire dolanan disit ning Moro. Dina kue pokoke banget senenge. Pas wis
jam tengah rolas, aku pada langsung maring Rajawali. Mlebu njero aku karo
batir-batir milih film sing arep ditonton. Sewise nemu film sing cocok, akhire
aku karo batir-batirelangsung tumbas karcis nggo mlebu maring studione. Jebulane
karcise regane 35.000. Wati protes “ Waduuuhhh... larang temen karcise bocah.
Ora sanggup.” Duite dikumpulna ning aku. Dadine aku sing mbayar maring kasir.
Aku karo batir-batir langsung mlebu studione. Filme rame, sewise rong jam filme
rampung. Nyong karo batir-batir metu jam tengah loro. Bareng metu, aku karo
batir-batire langsung maring mushola nggo nglasanakna sholat dhuhur. Sewise
sholat nyong karo batir – batir jalan – jalan sedela. Pas lagi jalan – jalan si
Dodo ngomong “ Bocah, aku tah kencot nin. maem yuh lah.” Ujang juga ngomong
“Iya aku be kencot. Yuh lah maem disit.”
Akhire nyong karo batir – batir maring nggon maem. Sawise maem si Tiyas
ndeleng jam, “ Bocah ayuh bali lah, wis
jam tengah telu lewih.” Akhire
bocah-bocah pada setuju nek bali.
Mikrone wis butul ning Ajibarang. Si Bagus ngomong maring kenete
mudun ning SMP. Bareng wis butul ning SMP. Seurunge bocah-bocah pada bali
maring umaeh dewek-dewek, Aku ngmong
maring bocahan “ Suwun banget ya cah, dina kie nyenengi banget. Ko pada emang batir-batir sing paling
apik sing aku due.” “ Ya lah Cha, dewek juga pada kesuwun wis ditlaktir, hehe.”
Jawab Tiyas makili batir kabehan kambi nyengir kabeh. “Yawislah bali yuh wis sore” aku ngajak bali
kabehan. Akhire bocah-bocah pada bali maring umaeh dewek-dewek. Aku bali karo
Bagus karo Tiyas. Bagus mudun disitan. Aku karo Tiyas tetep lanjut kambi
dadah-dadah maring Bagus. Pokoke dina kue dina sing paling nyenengi
0 komentar:
Posting Komentar